ਤਾਜਾ ਖਬਰਾਂ
ਨਵੀਂ ਦਿੱਲੀ, 15 ਅਕਤੂਬਰ : ਪਾਕਿਸਤਾਨ ਤੇ ਅਫਗਾਨਿਸਤਾਨ ਵਿਚਕਾਰ ਤਣਾਅ ਘੱਟ ਹੋਣ ਦੇ ਕੋਈ ਸੰਕੇਤ ਨਹੀਂ ਮਿਲ ਰਹੇ ਹਨ। ਮੰਗਲਵਾਰ ਰਾਤ ਨੂੰ ਇੱਕ ਵਾਰ ਫਿਰ ਪਾਕਿਸਤਾਨੀ ਸੁਰੱਖਿਆ ਬਲਾਂ ਤੇ ਅਫਗਾਨਿਸਤਾਨ ਵਿਚਕਾਰ ਹਿੰਸਕ ਝੜਪ ਹੋਈ। ਇਹ ਭਿਆਨਕ ਝੜਪ ਖੈਬਰ ਪਖਤੂਨਖਵਾ ਦੇ ਕੁਰਮ ਜ਼ਿਲ੍ਹੇ ਵਿੱਚ ਦੋਵਾਂ ਦੇਸ਼ਾਂ ਦੀ ਸਰਹੱਦ 'ਤੇ ਹੋਈ। ਪਾਕਿਸਤਾਨੀ ਫੌਜ ਨੇ ਵੀ ਇਸ ਝੜਪ ਦਾ ਜਵਾਬ ਦਿੱਤਾ। ਇਸ ਹਮਲੇ ਵਿੱਚ ਕਈ ਅਫਗਾਨ ਟੈਂਕ ਅਤੇ ਫੌਜੀ ਚੌਕੀਆਂ ਤਬਾਹ ਹੋਣ ਦੀ ਖ਼ਬਰ ਹੈ। ਦਰਅਸਲ ਹਾਲ ਹੀ ਵਿੱਚ ਅਫਗਾਨਿਸਤਾਨ ਨੇ ਪਾਕਿਸਤਾਨ 'ਤੇ ਹਮਲਾ ਕੀਤਾ। ਇਸ ਦੌਰਾਨ ਪਾਕਿਸਤਾਨੀ ਚੌਕੀਆਂ ਨੂੰ ਭਾਰੀ ਨੁਕਸਾਨ ਪਹੁੰਚਿਆ। ਇਸ ਦੌਰਾਨ ਅੱਜ ਦੇ ਹਮਲੇ ਵਿੱਚ, ਇਹ ਦੱਸਿਆ ਜਾ ਰਿਹਾ ਹੈ ਕਿ ਗੋਲੀਬਾਰੀ ਤੋਂ ਬਾਅਦ, ਅਫਗਾਨ ਤਾਲਿਬਾਨ ਲੜਾਕੇ ਆਪਣੇ ਟਿਕਾਣਿਆਂ ਤੋਂ ਭੱਜ ਗਏ।
ਸਵੇਰੇ 4 ਵਜੇ ਸ਼ੁਰੂ ਹੋਈ ਝੜਪ
ਪੀਟੀਵੀ ਨਿਊਜ਼ ਦੇ ਅਨੁਸਾਰ "ਅਫਗਾਨ ਤਾਲਿਬਾਨ ਤੇ ਫਿਤਨਾ ਅਲ-ਖਵਾਰੀਜ ਨੇ ਬਿਨਾਂ ਕਿਸੇ ਭੜਕਾਹਟ ਦੇ ਕੁਰਮ ਵਿੱਚ ਗੋਲੀਬਾਰੀ ਕੀਤੀ। ਪਾਕਿਸਤਾਨੀ ਫੌਜ ਨੇ ਪੂਰੀ ਤਾਕਤ ਅਤੇ ਤੀਬਰਤਾ ਨਾਲ ਜਵਾਬ ਦਿੱਤਾ।" ਝੜਪ ਮੰਗਲਵਾਰ ਸਵੇਰੇ 4 ਵਜੇ ਸ਼ੁਰੂ ਹੋਈ ਤੇ ਇਸ ਵਿੱਚ ਹਲਕੇ ਤੇ ਭਾਰੀ ਦੋਵਾਂ ਹਥਿਆਰਾਂ ਦੀ ਵਰਤੋਂ ਸ਼ਾਮਲ ਸੀ।
ਮਾਰਿਆ ਗਿਆ ਫਿਤਨਾ ਅਲ-ਖਵਾਰੀਜ ਦਾ ਇੱਕ ਮੁੱਖ ਕਮਾਂਡਰ
ਪੀਟੀਵੀ ਨਿਊਜ਼ ਦੇ ਅਨੁਸਾਰ ਕੁਰਮ ਸੈਕਟਰ ਵਿੱਚ "ਇੱਕ ਹੋਰ ਅਫਗਾਨ ਤਾਲਿਬਾਨ ਚੌਕੀ ਅਤੇ ਟੈਂਕ ਪੋਜੀਸ਼ਨ" ਤਬਾਹ ਕਰ ਦਿੱਤੀ ਗਈ, ਜਿਸ ਤੋਂ ਬਾਅਦ ਸ਼ਮਸ਼ਾਰ ਚੌਕੀ 'ਤੇ ਚੌਥੀ ਟੈਂਕ ਪੋਜੀਸ਼ਨ 'ਤੇ ਹਮਲਾ ਹੋਣ ਦੀਆਂ ਰਿਪੋਰਟਾਂ ਆਈਆਂ। ਸੂਤਰਾਂ ਨੇ ਇਹ ਵੀ ਦੱਸਿਆ ਕਿ ਹਮਲੇ ਵਿੱਚ ਫਿਤਨਾ ਅਲ-ਖਵਾਰੀਜ ਦਾ ਇੱਕ ਮੁੱਖ ਕਮਾਂਡਰ ਮਾਰਿਆ ਗਿਆ। ਪਾਕਿਸਤਾਨੀ ਅਧਿਕਾਰੀ ਪਾਬੰਦੀਸ਼ੁਦਾ ਤਹਿਰੀਕ-ਏ-ਤਾਲਿਬਾਨ ਪਾਕਿਸਤਾਨ (ਟੀਟੀਪੀ) ਦੇ ਅੱਤਵਾਦੀਆਂ ਨੂੰ ਦਰਸਾਉਣ ਲਈ ਫਿਤਨਾ ਅਲ-ਖਵਾਰੀਜ ਸ਼ਬਦ ਦੀ ਵਰਤੋਂ ਕਰਦੇ ਹਨ।
Get all latest content delivered to your email a few times a month.
